کابل: امریکا کے صدر ڈونلڈ ٹرمپ نے طالبان کی مذاکراتی ٹیم کے سربراہ ملا عبدالغنی برادر سے ٹیلیفون پر رابطہ کیا ہے۔
وہائٹ ہاؤس میں رپورٹرز سے بات کرتے ہوئے صدر ٹرمپ نے بتایا کہ طالبان رہنما سے مفید گفتگو ہوئی۔ انہوں ںے کہا کے بات چین میں افغان امن مذاکرات پر بھی بات ہوئی۔ ہم نے افغانستان میں عدم تشدد پر اتفاق کیا۔
طالبان کے ترجمان ذبیح اللہ مجاہد نے اپنے ٹوئٹ میں بتایا ’’امریکا کے صدر نے امارات اسلامی کے سیاسی نائب ملا عبدالغنی برادر سے فون پر بات کی ہے۔‘‘
صدر امریکا اور ملا برادر کے مابین یہ ٹیلفونک رابطہ طالبان کی جانب سے جنگ بندی ختم کرنے کے اعلان کے اگلے روز ہوا ہے۔ طالبان کے اس اعلان سے 10 مارچ کو افغان حکومت کے ساتھ ان کے ہونے والے مذاکرات سے متعلق بے یقینی پھیل گئی تھی۔
#Breaking
The President of the United States Trump @realDonaldTrump held a phone conversation with the Political Deputy of the Islamic Emirate, the respected Mullah Baradar Akhund. Details later. pic.twitter.com/p1iJpempNz— Zabihullah (..ذبـــــیح الله م ) (@Zabehulah_M33) March 3, 2020
طالبان کی مذاکراتی ٹیم کے ساتھ مذاکرات میں امریکا کی نمائندی کرنے والے زلمے خلیل زاد بھی ٹیلیفونک رابطے کے موقعے پر موجود تھے۔
