بین الاقوامی بلین مارکیٹ میں فی اونس سونے کی قیمت 9 ڈالر کی کمی سے1276 ڈالر کی سطح پر پہنچنےکے باعث مقامی صرافہ مارکیٹوں میں بھی بدھ کو فی تولہ اور دس گرام سونے کی قیمتوں میں بالترتیب 550 روپے اور 471 روپے کی کمی واقع ہوئی جس کی وجہ سے خریداری کے خواہشمندوں نے بھی سکھ کا سانس لیا لیکن ابھی بھی مزید کمی کی امید میں ہیں۔قیموں میں کمی کے نتیجے میں کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت گھٹ کر70 ہزار روپے اور فی دس گرام سونے کی قیمت گھٹ کر 60 ہزار 14 روپےہوگئی تاہم اس کے برعکس فی تولہ چاندی کی قیمت بغیر کسی تبدیلی کے 900 روپے اور فی دس گرام چاندی کی قیمت 771 روپے60 پیسے پرمستحکم رہی۔
