اسلام آباد : پاکستان مخالف بیان دینے پر فواد چوہدری نے افغان نائب صدر کو آڑے ہاتھوں لے لیا ، وفاقی وزیراطلاعات و نشریات نے امراللہ صالح کو ’مردار خور لکڑ بھگا‘ قرار دے دیا۔ تفصیلات کے مطابق سماجی رابطوں کی ویب سائٹ ٹوئٹر پر جاری کردہ اپنے ایک بیان میں انہوں نے کہا کہ افغانستان بہادر قوم کا ملک ہے، نہ کہ تمہارے جیسے لکڑ بھگوں کا ، تم لوگوں کو افغانستان یا اس خطے سے بہت معمولی سی دلچسپی ہے، کیوں کہ تم تو صرف کچرا چننے والے مردار خور ہو جو وقت آتے ہی محفوظ ٹھکانوں کی طرف فرار ہوجاؤ گے۔
Afghanistan belongs to brave people of Afghanistan unlike hyena’s like you, a bunch of you have little interest in Afghanistan or even this region you are just a scavenger will fly to safe heavens when the time ll be up… https://t.co/5VvTKeSgL2
— Ch Fawad Hussain (@fawadchaudhry) July 22, 2021
علاوہ ازیں پاک فوج کے ترجمان میجر جنرل بابر افتخار نے کہا ہے کہ افغانستان میں کارروائی کے حوالے سے پاک فضائیہ سے متعلق افغان نائب صدر کے الزامات بے بنیاد ہیں ، پاکستان نے افغانستان میں کوئی کارروائی نہیں کی ، کسی اور کی سر زمین ہمارے خلاف استعمال نہیں ہونی چاہیے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار نے بتایا کہ خطے کی صورتحال پر گہری نظر رکھے ہوئے ہیں ، افغان امن عمل کی کامیابی کے لیے اپنا کردارسنجیدگی سے ادا کر رہے ہیں ،
افغانستان میں اگر کشیدگی ہوتی ہے تو اس کا اثر پاکستان پر ہو گا ، پر امن افغانستان کا اثر بھی پاکستان پر ہوگا ، پاکستان میں امن افغان کی صورتحال پر منحصر ہے، افغانستان میں حالات خراب ہوئے تو پاکستان میں دہشتگردوں اور سلیپر سیل کے دوبارہ فعال ہونے کا خدشہ ہے، دہشتگرد تنظیمیں آپس میں اتحاد کر سکتی ہیں۔
