اسلام آباد : مریم اورنگزیب نے چیئرمین تحریک انصاف عمران خان پر کڑی تنقید کی ہے۔ تفصیلات کے مطابق وزیر اطلاعات مریم اورنگزیب نے ٹویٹر پر اپنے بیان کہا ہے کہ عمران خان کہتے ہیں 2018 میں حکومت اور اس کے بعد عالمی سازش جنرل ریٹائرڈ قمر جاوید باجوہ نے کی،کیا توشہ خانہ سے گھڑیاں ان کے کہنے پر چوری کیں؟۔
ملک ریاض سے ہیرے اور زمینیں جنرل باجوہ کے کہنے پر رشوت میں لیں۔ وفاقی وزیر نے کہا کہ کیا عثمان بزدار اور پرویز الہیٰ کو وزیرِ اعلٰی جنرل باجوہ کے کہنے پر لگایا؟پنجاب اور خیبر پختونخوا کی اسمبلیاں ان کے کہنے پر توڑیں تو تم صرف اپنی مرضی سے 55 روپے میں بنی گالہ سے وزیراعظم ہاؤس ہیلی کاپٹر کی سیر کرتے تھے؟
2018 میں حکومت باجوہ نے بنائی، عالمی سازش باجوہ نے کی، توشہ خانہ سے گھڑیاں باجوہ کے کہنے پہ چوری کیں، عدت میں شادی باجوہ کے کہنے پہ کی ، ملک ریاض سے ہیرے،زمینیں پنکی نے باجوہ کے کہنے پہ رشوت میں لیں،CPEC باجوہ کے کہنے پہ روکا،معیشت تباہ، IMFمعاہدے کی خلاف ورزی باجوہ کے کہنے پر کی
— Marriyum Aurangzeb (@Marriyum_A) April 26, 2023
قبل ازیں وزیر اطلاعات مریم اورنگزیب نے کہا کہ عمران خان،قوم کے ذہنوں کے ساتھ نہ کھیلو اور قوم کے منہ پر جھوٹ نہ بولو،اسی لئے فراڈیے کو کالا کنستر منہ پر چڑھانا پڑتا ہے،مجرم ہو مجرم ہی رہو گے۔
