حرا مانی کا اپنی زندگی میں آنے والی بڑی تبدیلیوں کا انکشاف

 لاہور: پاکستانی شوبز انڈسٹری کی معروف اداکارہ حرا مانی نے حال ہی میں ایک پوڈ کاسٹ میں شرکت کرتے ہوئے اپنی زندگی میں آنے والی بڑی تبدیلیوں کا انکشاف کیا ہے۔

اداکارہ نے بتایا کہ زندگی نے انہیں اپنی مرضی سے سکون اور تحمل سکھا دیا ہے اور وہ اب دوسروں کو سننے اور سمجھنے کی صلاحیت کو زیادہ اہمیت دیتی ہیں۔

حرا مانی کا کہنا تھا کہ زندگی آپ کو سب کچھ سکھا دیتی ہے، جو سبق زندگی دیتی ہے وہ کوئی اور نہیں دے سکتا۔

محبت کے بارے میں گفتگو کرتے ہوئے انہوں نے کہا کہ سچی محبت فلموں کی باتیں ہیں، حقیقت میں لوگ پیار سے زیادہ عادت بن جاتے ہیں اور وہ عادت کیلئے جان دے سکتی ہیں۔