ڈالر کی قدر میں اضافے کے رحجان نے سونے کی مقامی قیمتوں کو تاریخ کی نئی بلندترین سطح پر پہنچادیا ہے، اپریل 2019 کے ابتدائی 3 دنوں میں فی تولہ سونے کی قیمت مجموعی طورپر1650 روپے بڑھ کر72200 روپے اور فی دس گرام سونے کی قیمت1415 روپے بڑھ کر61900 روپے کی بلند ترین سطح پر پہنچ گئی.
دلچسپ امر یہ کہ ان 3 دنوں میں سونے کی عالمی قیمت صرف3 ڈالر کے اضافے سے1294 ڈالر رہی ہے جبکہ یکم مارچ 2019 سے اب تک مقامی صرافہ مارکیٹوں میں فی تولہ سونے کی قیمتوں میں مجموعی طور پر 3050 روپے اور فی دس گرام سونے کی قیمتوں میں 2615 روپے کا اضافہ ریکارڈ کیا گیا ہے.
