نئی دہلی:بھارتی میڈیا نے اعتراف کیا ہے کہ آپریشن سندور کے بعد کی جانے والی جوابی کارروائی نے واضح کر دیا ہے کہ بھارت کے لیے پاکستان ایک طاقتور اور سنجیدہ حریف ہے۔ دی وائر کے مطابق ہندوتوا نظریے کے زیر اثر بھارت نفرت اورانتہا پسندی کی آماجگاہ ہے، نئی دہلی یوتھ سمٹ میں بھارتی قومی سلامتی کے مشیر نے نوجوانوں کو انتقامی ذہنیت اپنانے کی ترغیب دی، اجیت ڈوول کا اشتعال انگیز بیان بھارتی قومی سلامتی کی پالیسی اور فیصلوں پر اثرانداز ہو گا، ڈوول کی بدلے کی ڈاکٹرائن دانستہ طور پر جنگ چھیڑنے کا بہانہ بن سکتی ہے کیوں کہ بھارت کی کشمیر پالیسی میں بھی انتقام کی سوچ واضح طور پر جھلکتی ہے، جو مسئلے کے حل کے بجائے مزید بگاڑ کا باعث بن رہی ہے۔
رپورٹ میں پاکستان کے دفاعی اقدامات کا حوالہ دیتے ہوئے کہا گیا ہے کہ پاکستان نے اپنے دفاع کو مضبوط بنانے کے لیے راکٹ فورس قائم کی ہے، فیلڈ مارشل سید عاصم منیر ایک بااختیار چیف آف ڈیفنس فورسز اور جوہری طاقت کے نگہبان کے طور پر سامنے آئے ہیں، آپریشن سندور کے بعد پاکستان کی طرف سے ہونے والی جوابی کارروائی نے یہ واضح کر دیا ہے کہ بھارت کے لیے پاکستانایک طاقتور اور سنجیدہ حریف ہے۔
ماہرین کا کہنا ہے کہ اجیت ڈوول کی اشتعال انگیز تقاریر بھارت میں تشدد پسند عناصر کی اجارہ داری کو مزید مضبوط کریں گی اور ملک میں انتشار اور عدم استحکام میں اضافہ ہوگا، ایسے بیانات کا مقصد بھارت میں اقلیتوں کو درپیش جمہوری زوال اور انسانی حقوق کی خلاف ورزیوں سے توجہ ہٹانا بھی ہو سکتا ہے، بھارت کے تقریباً تمام ریاستی ادارے شدت پسند نظریات کے مکمل زیرِ اثر آ چکے ہیں، جو جمہوری اقدار اور علاقائی امن کے لیے ایک خطرناک رجحان ہے۔
بھارت کیلئے پاکستان ایک طاقتور اور سنجیدہ حریف ہے، بھارتی میڈیا کا اعتراف
