پاکستانی سپر اسٹار ہمایوں سعید بالی ووڈ کے کسی خان سے کم نہیں، 40 سال سے زائد کی عمر میں بھی ہمایوں سعید بالی ووڈ خانز کی طرح اسمارٹ نظر آتے ہیں، تاہم وہ خود کو فٹ رکھنے کے لیے سخت محنت کرتے ہیں۔ حال ہی میں انہوں نے جم میں ورزش کرتے ہوئے ویڈیو سوشل میڈیا پر شیئر کی ہے جس میں وہ فٹ رہنے کے لیے سخت محنت کرتے نظر آرہے ہیں اس کے ساتھ ہی انہوں نے مداحوں کو اپنے کھانے پینے کے شوق سے متعلق بتاتے ہوئے کہا جب نہاری کھانے کا بہت شوق ہو تو پھر اگلی فلم تک فٹ ہونے کے لیے یہ سب تو کرنا پڑتا ہے۔
صرف ہمایوں سعید ہی خود کو فٹ رکھنے کے لیے ورزش نہیں کرتے بلکہ نامور اداکارہ ماورا حسین اورعلی ظفر نے بھی اپنی ورک آؤٹ کرتے ہوئے ویڈیوز شیئر کی ہیں اور بتایا ہے کہ وہ بھی ہمایوں سعید سے کم نہیں۔ ماورا حسین کی جانب سے شیئر کی جانے والی ویڈیو میں وہ بالکل اسی طرح ورزش کرتی نظر آرہی ہیں جیسے ہمایوں سعید کررہے ہیں۔
