پاکستانیوں کے ٹائر اڑانے کے کھیل کے امریکہ میں چرچے، فرینکی لاپینا بھی فین نکلے

لاہور: پاکستانیوں کی جانب سے سوشل میڈیا پر ٹائر اڑانے کی وائرل ویڈیوز امریکہ سمیت دنیا بھر میں مقبول ہوچکی ہیں اور معروف ٹک سٹار فرینکی لاپینا بھی پاکستانیوں کے اس کھیل کے فین ہوگئے۔ تفصیلات کے مطابق حال ہی میں سوشل میڈیا پر ایسی ویڈیوز وائرل ہوئیں جن میں دیکھا گیا کہ چند پاکستانی تفریح کی غرض سے ٹیوب ویل چلانے و دیگر مقاصد کیلئے استعمال ہونے والے مختلف انجنوں کی مدد سے موٹرسائیکل کے ٹائروں کو ہوا میں اونچا اڑا رہے ہیں، اس دوران وہ منچلے طرح طرح کے طریقے استعمال کرتے ہوئے ٹائر کو زیادہ سے زیادہ بلندی تک پہنچانے کے جتن کرتے دکھائی دیئے۔

Yet another video that demonstrates why women live longer than men pic.twitter.com/dhF91YJ43t

— non aesthetic things (@PicturesFoIder) April 14, 2026

اب پاکستانیوں کا یہ مشغلہ سوشل میڈیا پر چلتے چلاتے دنیا بھر میں پھیل چکا ہے اور امریکی بھی اس کے شوقین ہوچکے ہیں کیوں کہ ایک ایسی ویڈیو سامنے آئی ہے جس میں امریکہ کے معروف سوشل میڈیا انفلیوئنسر، ٹک ٹاک سٹار اور کانٹینٹ کریئٹر فرینکی لا پینا بھی اس کی نقل کرتے دکھا دے رہے ہیں۔
انہوں نے اس بارے میں مزاحیہ انداز اپناتے ہوئے قرار دیا کہ ’ہم پہلے امریکی ہیں جنہوں نے یہ کامیاب ایئر ڈیفنس ٹیکنالوجی پاکستان سے حاصل کرلی اور ہر کوئی جاننا چاہتا ہے کہ یہ ایئرڈیفنس کتنا مؤثر ہے‘، ویڈیو میں فرینکی لا پینا اس ٹائر کی مدد سے ڈرون کو نشانہ بنانے کی کوشش کرتے دکھا ئی دیئے جسے وہ ‘دشمن کا جہاز’ کہتے ہیں۔

پاکستانیوں نے نیا کھیل ایجاد کردیا ہے، دنیا کے کونے کونے میں اب یہی چل رہا ہے 😂 pic.twitter.com/g0Y3vK6U3C

— Ather Salem® (@AthSal01) April 15, 2026