اسلام آباد : وزیراعظم عمران خان کے کورونا فنڈ میں 1 ارب 49 کروڑ جمع ہو گئے ہیں۔ اس بارے میں تفصیلا ت بتاتے ہوئے سینیٹر فیصل جاوید نے اپنی ٹویٹ میں ا س بات کا ذکر کیا ہے کہ پاکستانیوں نے عمران خان کا ساتھ دیتے ہوئے ابتدائی 15 دنوں میں 1 ارب 49 کروڑ کی بڑی رقم عطیہ کر دی ہے جس سے یقیناََ بہت سے لوگوں کو حوصلہ ملے گا۔
پیغام جاری کرتے ہوئے ان کا کہنا تھا کہ پاکستانیوں کے جوش و جذبے اور سخاوت کو سلام کرتا ہوں جنہوں نے لاک ڈاؤن کے دوران مستحقین کی امداد کیلئے رقم جمع کی۔ اس عظیم مقصد کیلئے آپ کا یہ نیک کام دوسروں کو بھی بڑھ چڑھ کر امداد کیلئے حوصلہ عطا کرے گا۔
Masha'ALLAH so far Rs 1,493 mn (1.49Bn) hs bn deposited in PM's Relief Fund during the1st 15days.Hats off to Generosity & Jazba of Pakistanis for contributing towards ths grt cause.With ur contributions u ve inspired many others coming fwd & contributing#PakistanTheMostGenerous pic.twitter.com/OCdsCan2f6
— Faisal Javed Khan (@FaisalJavedKhan) April 16, 2020
کچھ دن قبل وزیراعظم عمران خان نے کورونا فنڈ کی بنیاد رکھی تھی جس میں دنیا بھر میں موجود پاکستانیوں سے التجا کی تھی کہ وہ اس وقت جاری لاک ڈاؤن میں حکومت کی مدد کریں تا کہ حکومت مستحق لوگوں میں کھانا تقسیم کر سکے۔
اس کے علاوہ وزیراعظم عمران خان نے ٹائیگر فورس کی بھی بنیاد رکھی تھی جس میں ابھی تک 10 لاکھ افراد نے شمولیت اختیار کر لی ہے۔ لیکن اب سینیٹر فیصل جاوید نے تفصیلات بتاتے ہوئے ٹویٹر پیغام دیا ہے جس میں ان کا کہنا تھا کہ ابھی تک وزیراعظم کورونا فنڈ میں پاکستانیوں نے 1 ارب 49 کروڑ جمع کروا دیئے ہیں۔خیال رہے کہ کورونا وائرس کا خوف اس وقت پوری دنیا میں پھیلا ہوا ہے۔
ہر ملک کی جانب سے ا س سے بچنے کے لئے احتیاطی تدابیر اپنائی جا رہی ہے۔ پاکستان میں بھی کورونا وائرس نے اپنے قدم جما لئے ہیں جس کے بعد ہر گزرتے د ن کے ساتھ اس کی تباہی میں اضافہ ہوتا جا رہا ہے۔ ابھی تک پاکستان میں متاثرہ افراد کی تعداد 6500 سے زیادہ ہو گئی ہے جبکہ 124 افراد کورونا وائرس کا شکار ہو کر جاں بحق ہو گئے ہیں۔
