اسلام آباد : این سی او سی نے 19 سال سے زائد افراد کی کورونا ویکسی نیشن شروع کرنے کا فیصلہ کرلیا۔ تفصیلات کے مطابق نیشنل کمانڈ اینڈ آپریشن سینٹر نے 19 سال سے زائد عمر کے افراد کی ویکسی نیشن شروع کرنے کا فیصلہ کرلیا ، یہ فیصلہ این سی او سی کے آج ہونے والے اجلاس میں کیا گیا، جس کے تحت 19 سال سے زائد عمر کے افراد کی رجسٹریشن کل سے شروع ہوگی۔
سماجی رابطوں کی ویب سائٹ ٹوئٹر پر جاری کیے گئے اپنے ایک پیغام میں وفاقی وزیر برائے منصوبہ بندی و سربراہ این سی او سی اسد عمر نے بتایا کہ آج کی این سی او سی میٹنگ میں ہم نے تمام 19 سال یا اس سے زائد عمر کے افراد کے لیے کورونا سے بچاؤ کی ویکسی نیشن رجسٹریشن کو کھولنے کا فیصلہ کیا ہے ، یہ رجسٹریشن کل سے شروع ہوگی۔
انہوں نے کہا کہ اب رجسٹریشن پوری قومی آبادی کے لئے کھلی رہے گی جسے ماہرین صحت نے کوڈ کی ویکسینیشن کے لئے منظور کیا ہے۔
In today's NCOC meeting we decided to open up vaccination registration for all 19 years and above. This registration will start from tomorrow. So now registration will be open for the entire national population which is approved by health experts for covid vaccination
— Asad Umar (@Asad_Umar) May 26, 2021
یہاں قابل ذکر بات یہ ہے کہ پاکستان اپنی کورونا ویکسین کی کھیپ تیار کرنے میں کامیاب ہوگیا ہے ، کین سائنو ویکسین نے سخت ترین کوالٹی ٹیسٹ پاس کرلیے، ویکسین کی فارمولیشن اورپیکنگ چین کے تعاون سے ممکن ہوئی، وزیراعظم عمران خان کے معاون خصوصی برائے صحت ڈاکٹر فیصل سلطان نے قوم کو کورونا وائرس کیخلاف جنگ میں حاصل کی گئی بڑی کامیابی کے حوالے سے خوشخبری سنائی ہے، انہوں نے کین سائنو ویکسین کی فارمولیشن اورپیکنگ پر قومی ادارہ صحت کی ٹیم کومبارکباد دی۔
ڈاکٹر فیصل سلطان کی جانب سے بتایا گیا ہے کہ پاکستان میں کرونا وائرس ویکسین کی پہلی کھیپ تیار کر لی گئی ہے، جب کہ مزید بتایا کہ فارمولیشن اورپیک کی گئی ویکسین نے سخت ترین کوالٹی ٹیسٹ پاس کرلیے، یہ ہماری ویکسین سپلائی لائن کیلئے اہم پیشرفت ہے ، پاکستان میں ویکسین کی فارمولیشن اورپیکنگ کین سائنو بائیو چائنا کے تعاون سے ممکن ہوئی ، پاکستان میں تیار چینی ویکسین سائنو ویک کو پاک ویک کا نام دیا گیا ہے، پاکستان میں تیار شدہ کرونا ویکسین ’پاک ویک‘ استعمال کے لیے رواں ہفتے دستیاب ہوگی ، اس ضمن میں این سی او سی کو کورونا ویکسین سے متعلق آگاہ کر دیا گیا ہے۔
