ملتان: ویسٹ انڈیز کے کھلاڑی پرتپاک استقبال کرنے پر ملتان کے شکر گزار دکھائی دے رہے ہیں۔
ویسٹ انڈیز کے کھلاڑی الزری جوزف نے سماجی رابطے کی مائیکرو بلاگنگ ویب سائٹ ٹوئٹر پر ٹوئٹ کرتے ہوئے ملتان میں ان کا پرتپاک استقبال کرنے پر شکریہ ادا کیا ہے۔
ان کا کہنا تھا کہ ’ہیلو پاکستان، میں آگیا ہوں جبکہ انہوں نے پرتپاک استقبال کرنے پر ملتان کا شکریہ ادا کیا‘۔
اس سے قبل ویسٹ انڈیز کے کھلاڑی رومیریو شیفرڈ کا پاکستان کی تعریف کرتے ہوئے کہنا تھا کہ ’سب سے خوبصورت ملک پاکستان پہنچ گیا، سیریز کے لیے بہت پرجوش ہوں اور نظریں اپنی گول پر ہیں‘۔
واضح رہے کہ پاکستان سے ون ڈے سیریز کھیلنے کے لیے ویسٹ انڈیز کی ٹیم گذشتہ روز اسلام آباد پہنچی تھی جس کے بعد انہیں چارٹر جہاز کے ذریعے ملتان پہنچایا گیا تھا۔
بعد ازاں مہمان ٹیم کو سخت سیکیورٹی کے حصار میں ایئرپورٹ سے نجی ہوٹل لایا گیا، جہاں ان کا پی سی بی اور انتظامیہ نے پرتپاک استقبال کیا تھا۔
گذشتہ روز ملتان پہنچ کر ٹیم نے آرام کیا تاہم آج سے وہ اپنی ٹریننگ کا آغاز کریں گے۔
